Antonio Oyarzabal pianista laudioarrak berriro joko du Espainiako Orkestra Nazionalarekin, Nuno Coelho zuzendariaren aginduetara. Soria eta Leonen izango dira emanaldiak irailaren 11n eta 12an.
Zehazki, Sorian Teatro Palacio de la Audiencian egingo dute kontzertua Udazkeneko Musika Jaialdiaren barruan. Leonen, aldiz, Auditorioan antolatu dute kontzertua, Espainiako Musika Jaialdiaren testuinguruan.
Hitzordu bietan solista gisa joko du Oyarzabalek eta, hain zuzen, Carmelo Bernaola konpositore euskaldunaren Nostálgico pieza landuko du.
Bigarren esperientzia
Nabarmendu beharra dago laudioarrak parte hartu duela jadanik orkestra horrekin. Iaz izan zen kontzertua Madrilgo Auditorio Nazionalean, azaroaren 10ean. Julia Cruz izan zen zuzendaria emanaldi horretan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
