Lantegiko atarian elkarretaratzea egin dute Maderas de Llodio-Garnica enpresako beharginek, konpainiaren zuzendaritzak burutu nahi dituen kaleratze eta murrizketen aurka. Iragan astean jakinarazi zuen Garnicak Laudioko fabrikako 39 langile kaleratzeko asmoa, eta horren aurrean bi greba egun deitu ditu langile batzordeak aste honetarako.
Gaurkoa dute lehen lanuzte eguna, eta deialdiaren jarraipena erabatekoa izan da momentuz, sindikatuek Aiaraldea Komunikabideari jakinarazi diotenez. 5:00etan egin dute lehenengo piketea eta ez da beharginik sartu azpiegituretara.
Ostegunean helduko diote bigarren protesta egunari. Gaur bezala, piketeak egingo dituzte 5:00etan, 13:30ean eta 21:30ean. Horrenbestez, eguerdiko mobilizazioa Laudioko herriko plazan egingo dute, azoka eguna probestuz. SOS Aiaraldea plataformak ere mobilizazioa deitu du datorren irailaren 18rako, Enpresa Batzordearekin batera. Manifestazioa 19:00etan abiatuko da Eroskiko biribilgunetik.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
