Maderas de Llodio enpresako beharginak buru-belarri sartuta daude bigarren greba egunean Garnica taldeak egin nahi dituen 39 kaleratzeak gelditzeko. Goizean produkzioa erabat eten dute eta eguerdian lantegitik abiatu eta Herriko plazara jo dute.
Bidean zein elkarretaratzean inguruko enpresetako lagunen babesa izan dute: JEZ, Tubacex, Tubos Reunidos, Envases... konpainietako kideak batu dira eta Laudioko Udaleko langile asko ere bertaratu dira.
Garnicak Leonen duen enpresako langile batzorde osoak parte hartu du mobilizazioan, baita Baños de Río Tobiako (Errioxa) CCOOko ordezkariek ere.
Horrez gain, nabarmendu beharra dago Garnicak Leonen duen enpresako langile batzorde osoak parte hartu duela mobilizazioan, baita Baños de Río Tobiako (Errioxa) CCOOko ordezkariek ere. Leongo lankideek adierazi diote Aiaraldea Komunikabideari oso larrituta daudela egoerarekin eta Maderas de Llodio ez dela Garnica taldearen egoeraren arduraduna. Ondorioz, tokiko langile batzordearekin harremanetan daude elkarlanean aritzeko eta zuzendaritzari erantzuteko.
Gaur manifestazioa
Goizeko mobilizazioekin batera, azpimarratu beharra dago arratsaldean manifestazioa deitu dutela. 19:00etan abiatuko da Zumalakarregiko errotondatik -Eroskikoa deiturikoa- eta plazan amaituko dela.