Txistu artean jaso dituzte Maderas de Llodioko langileek Garnicako zuzendaritzako kideak eta abokatuak, hauek fabrikara sartu direnean. Gaur goizean egiten ari dira Enplegua Erregulatzeko Espedientearen kontsultaldiaren hirugarren bilera.
Beharginek goizeko bederatzietarako deitu dute elkarretaratzea lantegi aurrean, baina zuzendaritzako kideak lehenago iritsi dira lantegira. 39 kaleratzeen prozesua bideratzen ari diren abokatuak, aldiz, 9:20ak aldera heldu dira taxian, eta beharginen txistu eta ke-poteen artetik igaro behar izan dira.
Handik gutxira sartu dira fabrikara Enpresa Batzordeko kideak eta sindikatuen ordezkariak, txalo artean.
Gaur abiatu dute greba mugagabea Maderas de Llodioko langileek eta, goizean aurreratu bezala, jarraipena erabatekoa izaten ari da.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide