Arratsaldeko zazpietan izango da emanaldia eta sarrerak salgai daude hemen. Musikari baionarrak nabarmendu du emanaldi hori izango dela Euskal Herrian bera ikusteko momentuz egongo den data bakarra, bere bira amaierako sarrerak agortu baitira dagoeneko.
Willis Drummond taldeko gitarra-jotzaile eta abeslaria izateagatik da ezaguna Jurgi Ekiza, baina bakarlari moduan ere ibilbide oparoa egin du. Abuztuan plazaratu zuen Argitzala diskoa, eta lan horren aurkezpen biran murgilduta dago uneotan. Bira horren baitan eskainiko du emanaldia igande honetan Faktorian. Arratsaldeko zazpietan izango da kontzertua eta sarrerak salgai daude hemen.
Ekizak berak bideoa zabaldu du kontzertura bertaratzeko gonbita luzatzeko Aiaraldeko herritarrei, eta nabarmendu honako hau izango dela bera Euskal Herrian ikusteko azken aukera momentuz. Izan ere, urriaren 28an eskainiko du birako azken kontzertua Baionan, baina bertara joateko sarrera guztiak agortu dira dagoeneko.
Musikari baionarra bi aldiz aritu da eskualdean jotzen Aiaraldea Ekintzan Faktoriaren eskutik. Lehena 2020ko udan izan zen, bakarlari moduan Laudioko Abasto plazan:
Bigarren bisita, aldiz, 2023ko ekainean egin zuen, kasu horretan Faktorian eta Willis Drummondekin.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.