Larrazabalgo auzokideek gora jotzeko helegitea prestatu dute Eusko Jaurlaritzako Industria Sailera bideratzeko. Laudioarren helburua da Ferosca I zentral eolikoak lortu duen baimenaren kontra egitea. Berez, horrekin bakarrik ezin dute aurrera egin eraikuntza hasteko, baina neurri hori hartzea erabaki dute eta arrazoiak azalduko dituzte larunbatean 12:00etan San Joan baselizan.
Antolatzaileek azpimarratu dute garrantzitsua dela ahalik eta jende gehien egotea bileran, proiektuaren nondik norakoak deskribatuko baitituzte eta ekarpenak jasotzeko prest daude.
Aipatu beharra dago egitasmoak sei aerosorgailu zituela hasieran, baina hiru atzera bota dituela Eusko Jaurlaritzak.
Alde administratiboa ez ezik, auzotarrek, Aiaraldeko Mendiak Bizirik plataformak eta Laudioko eta Aiarako Udalek egindakoa ere aipatuko dute.
Batzarraren sustatzaileek argitu diote Aiaraldea Komunikabideari tokiko alderdietako ordezkariak gonbidatu dituztela, baina ez dakitela parte hartuko duten.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
