Espetxeratu dituzte ostiralean Laudion atxilotutako bi pertsonak, Ertzaintzak Aiaraldea Komunikabideari baieztatu dionez. 35 eta 27 urteko bi gizon atzeman zituen poliziak Oleta auzoko hainbat baserritan lapurtzea egotzita. Izan ere, poliziak salatu duenez lau lapurreta salaketa erregistratu zituzten auzo horretan martxoaren 27tik apirilaren 1era bitartean.
Bizilagunek, aldiz, hamar kasu zenbatu zituzten orotara, azkena iragan asteartean. Euren hitzetan, hutsik dauden eraikinetan eta bigarren etxebizitzetan sartu ziren kasu gehienetan, eta kobrea eta metalezko bestelako elementuak ostu zituzten gehienbat, baina baita bestelako objektuak ere, erlojuak edo bitxiak kasu.
Etxebizitzetako batek segurtasun kamara bat zuen, eta bertako irudietan bi pertsona agertzen ziren. Auzokideek Ertzaintzari pasa zizkioten bideo horiek. Horrez gain, Udalarekin eta komisaldegiko arduradunarekin ere bildu ziren hainbat aldiz.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
