Eduki hau partekatzeko esteka arbelera kopiatu da.
Bihar arratsaldean, Faktorian, kontzertua eskainiko dute Lukiek eta Adur bandek. Sarrerak salgai daude honezkero Faktoriaren webgunean.
Puntako taldeak elkartuko dira bihar (apirilak 17) Faktoriako oholtza gainean: Adur eta Lukiek. Estilo eklektikoa duten bi bandek, ikusleak dantzan jartzeko asmoz bertaratuko dira Faktoriara. Ate irekiera 20:00etan izango da, eta dagoeneko salgai daude sarrerak Faktoria.eus atarian; bazkideek prezio murriztua izango dute.
Musika estiloen nahasketa muturreraino eramaten duen taldea da Adur, "soinu modernoa eta euskal folklorea uztartuz". Naroa Esturo eta Xabier Aguado bikote bilbotarrak sorturiko taldeak "undergroundaren esentzia gordina" harrapatzen du, indarrez beteriko melodia eta soinuen bidez.
Eskualdeko eszenatokietan beteranoak dira honezkero Lukiek mungiarrak. Josu Ximun, Antton Goikoetxea eta Christian Rodriguezek osatzen duten taldeak hiru lan luze kaleratu ditu, azkena iaz bertan. Musika estilo askotatik edaten du taldeak, baina grunge-a ardatz duen soinu indartsu eta bereizgarria dauka.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
