Larunbatean borrokatu zen Bilal Ben Yechou laudioarra David Moranen aurka Soraluzeko kiroldegian eta emaitza oso ona izan zen tokiko kirolariarentzat. Izan ere, lehen roundean irabazi zuen Sorabox taldeko kideak.
Ben Yechouk zenbait kolpe zuzen sartu zizkion aurpegian eta gorputza ere zigortu zion Zaragozatik etorritako boxeolariari eta amore behar izan zuen, laudioarraren harridurarako.
Post by @aiaraldea@tkm.eus
View on Mastodon
Hain garaipen argia lortuta, Aiaraldeko gaztea pozik dago, baina, bestalde, dezepzio puntua ere ekarri zuen etxera: "Nire aurkariak norgehiagoka gehiago ditu eta uste nuen round gehiagotan arituko ginela".
Izan ere, Bilal Ben Yechouk ez du ezkutatzen larunbateko hitzorduaren zein ekainean izango duenaren helburua Espainiako Boxeo Txapelketa prestatzea dela, 90 kilo gorako kategorian, hain zuzen.
Soraluzeko borrokaldi osoaren kronika argitaratu du Barrena webguneak.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
