Bizilagunen arteko harremanak estutu eta Aretako herri izaera indartzeko baliatuko dituzte beste urte batez Aretako jaiak. Jai Batzordeak hilabete luzeak eman ditu festetako programazioa osatzen, adin eta gustu guztietako herritarrentzat gozagarri.
Urtero bezala uztailaren 24an jaurtiko dute festetako lehen suziria, Aretako bihotza den Kultur Etxeko balkoitik. Aurten ARATE elkarteak izango du txupina pizteko ardura.
Jai-giroak, ordea, aurretik ere hartuak izango ditu Aretako kaleak. Izan ere, paella txapelketa, gazte bazkaria eta kalejira egingo dituzte Kultur Etxeko ekitaldi protokolarioaren aurretik. Ohi bezala musika eskaintza oparoa izango da txosnaguneko oholtzan. Aurtengoan presentzia nabarmena izango dute eskualdeko arrastoa duten taldeak: Barrrk edota Ziztada & Rlantz, esaterako. Igandean Ximena laudioar gaztea igoko da eszenatokira. ETB 1eko Ztanda saioan parte hartzen ari da Ximena, eta Aretako Jaietako kontzertua baino lehen ziur ebatzita egongo dela zer nolako emaitza lortu duen telebistako lehiaketa horretan.
Aretako Jai Batzordetik jai herrikoien aldeko apustuan berretsi dira berriro ere, eta "gaueko eskaintzatik haratago" ekintza guztietan parte hartzeko gonbita luzatu diete herritarrei.
EGITARAU OSOA
Uztailak 24, ostirala
11:00 // XIII. Paella Txapelketa
14:00 // Paella Txapelketako sari ematea
15:00 // Gazte Bazkaria, AGAk antolatuta
17:00 // Party and Go
19:00 // Pregoiaren irakurketa eta txupinazoa
19:15 // Buruhandi eta hankaluzeak
19:15 // Kalejira Aretako Txistulari eta trikitilariekin
21:00 // Kontzertuak: Graffiti taldea, Zaunka, Muxutruk Erromeria eta Aretako MJ
Uztailak 25, larunbata
09:00 // XIII. Alpitxura igoera
10:00 // Marmitako Txapelketa
11:00 // Ping-Pong txapelketa, bikoteka
12:00 // Igel-toka Aratz tabernan
13:00 // VII. Omenaldia Aretako Txistulariei
13:00 // Laudioko Arloteen bisita
14:00 // Marmitako Txapelketako sari ematea
17:00 // Bolo arabar txapelketa
17:30 // Apar Festa Santa Ana Nagusien Klubean
18:00 // VIII. Areta Trail Lasterketa
18:05 // III. Trail Txiki
19:30 // Pintxo dastaketa
21:00 // Parrillada herrikoia
22:30 // Kontzertuak: Ziztada&Rlantz, Barrrk eta Iratzar Erromeria
Uztailak 26, igandea
10:00 // Mugarriei bisita
11:00 // Auto klasikoen erakusketa
11:00 // Artzai txakurren erakustaldia Santa Ana zelaian
12:00 // Santa Anaren omenezko meza
12:30 // Herri kirolak
14:30 // Bazkaria eta 80 urtetik gorakoei omenaldia, Santa Ana Nagusien Klubean
15:00 // Herri bazkaria
17:00 // Petanka herrikoia
20:00 // Kontzertua: Ximena
21:00 // Dantzaldia Santa Ana Nagusien Klubean
Uztailak 27, astelehena
11:30 // Rafa Olabarria esku pilota memoriala, finalak
18:00 // Orduswing, dantzaldia
18:00 // Buruhandiak Galtzagorri taldearen eskutik
20:00 // Bi Hotsak abesbatsaren emanaldia Santa Ana parrokian
21:00 // Aretako buruhandi eta hankaluzeak
22:00 // Jaien amaiera traka