Ximena gailendu da ETB1 kateko Ztanda talent showan. Atzo emititu zuten finala, eta musikari laudioarraren jarraitzaileek ("ximenistek", alegia) elkarrekin ikusi zuten, Herriko plazako elizako arkupeetan jarritako pantailaren bidez. Bertan egon zen baita ere abeslari gaztea, eta oso eskertuta azaldu da jasotako babes eta berotasunagatik.
Lehiaketaren fasea amaituta, bere sorkuntza prozesu propioa garatzen jarraituko du Ximenak, disko bat plazaratzeko asmoa baitu, Aiaraldea Komunikabideari jakinarazi dionez.