Irekita dago Laudioko igeriketa klubean izena emateko epea. Maila guztietan eskaintzen du klubak entrenatu eta lehiatzeko aukera, baita master kategorian ere. Interesa dutenek klubeko arduradunekin jar daitezke harremanetan igeriketalaudio@gmail.com helbidean edota 680 404 842 zenbakian
Master taldea
Iaz sortu zuten igerikleta klubeko master kategoriako taldea. Entrenatzen hasi ziren lehenbizi eta urte hasieran ekin zioten lehiaketetan parte hartzeari. Domina batzuk ere eskuratu zituzten txapelketetan, esaterako otsailean Iruñean lehiatutakoan.
Igeriketaren onurak
Igeriketak dakarren onurak azpimarratu dituzte klubeko kideek. Azaldu dutenez, osasun kardiobaskularrerako ona da, bihotza indartu eta zirkulazioa hobetzen duelako. Gainera, indarra eta tonifikazioa lantzeko eta birika-gaitasun handiagoa eskuratzeko lagungarria den kirola ere bada.
Estresa murrizten ere laguntzen du igeriketak, ura lasaitzailea delako eta energia ematen diolako praktikatzen duenari. Gainera, klubeko kideek ziurtatu dute giro ona dagoela entrenamenduetan eta kide berriak ezagutzeko aukera paregabea dela.