Laudioko EH Bilduko Mahai Politikoak oharra plazaratu du bat egiteko udal gobernu taldearen jai balorazioarekin. Organoaren aburuz, kalera ateratzea nahiko zen herrian sortutako giroa ikusteko.
Horrez gain, argitu du, bere ustez, zeintzuk izan diren arrakastaren gakoak. Bere iritziz, aniztasuna izan da: "Antzerkia eta kontzertuak, musika elektronikoa eta klasikoa, Euskal kultura eta nazioartekoa... denetarik ikusi dugu, denetariko ikusleentzat".
Horretarako, EH Bilduren ustez, ezinbestekoa izan da herritar ugariren ekarpena jaso izana egitarauaren prestaketan: "Hau herritar askoren lanaren emaitza da; baita, entzuteko eta elkarlanerako gaitasuna duen udal talde baten lanaren emaitza ere. Parte hartzen duten elkarte guztiak entzunak eta errespetatuak direnean emaitza askoz hobea izaten da".
Azkenik, eta jaietan parte hartzen jarraituko dutela adierazi baino lehen, koalizioak balioan jarri du aurtengo jaietan eraso matxistarik salatzeko beharrik ez dela izan. Pozik agertu ez ezik, Mugimendu Feminista eta Udala ere zoriondu dute horregatik.