Laudioko EAJk oharra zabaldu du kritikatzeko udal ludoteka zerbitzuak hamabi plaza baino ez dituela eskaini. Jeltzaleek uste dute kopuru hori eskasa dela bi eta hamar urte bitarteko 1.000 adingabe dituen udalerriarentzat.
Hain zuzen, oposizio taldeak honakoa adierazi du Maite Cortazar zinegotziaren bidez: "Iaz itxaropenak sortu ziren familien artean, eta zerbitzua hobetzeaz eta egokitzeaz hitz egin zen. Urtebete geroago, ludoteka bat topatu dugu, eta 12 adingabe baino ezin ditu artatu. Hau ez da familiek eskatutakoa betetzea, berriro iruzur egitea baizik".
Gauzak horrela, EAJk exijitu du plaza kopurua handitzea eta aukerak ematea kontziliazioa errazteko.