Kultur sorkuntza Aiaraldean

Antonio Oyarzabal pianistak ekin dio disko berria grabatzeari, bost entitateren babes ekonomikoa lortu eta gero

Aitor Aspuru Saez 2026ko urriaren 2a

Pianista laudioarra Suffolkeko grabaketa estudioan. / A. O.

Londresen bizi den musikaria Chandos disketxearen estudioan sartu da, Echoes from the Isles lana grabatzeko.

Antonio Oyarzabal pianista laudioarra Suffolken (Erresuma Batua) dago orain bere disko berria grabatzen. Echoes from the Isles lanak Ingalaterrako, Eskoziako, Galeseko eta Irlandako XIX. eta XX. mendeko emakume konpositoreen obrak berreskuratuko ditu, zazpi entitateren babesarekin.

Vaughan Williams Foundation-ek, Royal Philharmonic Society-eko RPS Ambache Fund-ek , Francis Routh Trust-ek, John Ireland Charitable Trust-ek eta Finzi Trust-ek babestu dute ekonomikoki egitasmoa.

Proiektuaren helburua bada azaleratzea aipatutako lurraldeetan zegoen emakume konpositoreen sarea. Horretarako, bi disko grabatuko ditu musikari laudioarrak.

Guztira, 25 emakumeren sorkuntzak berreskuratuko ditu eta, horien guztien artean, Elizabeth Maconchyren konposizio ezezagun bat azpimarratu du Oyarzabalek berak.

Ez da lehen aldia musikariak hainbat emakumeren lanak berpizten dituela. Aurretik ere egin du antzeko lana, La muse oubliéediskoan kasu.

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide