Parkea Kultura Topagunearen inugurazioan eta bultzadan parte hartu eta gero, Kulturlabek ez du bere jarduna eten eta urrian bi ekitaldi deitu ditu. Bat parkean bertan izango da eta bestea Elexalde kaleko lokalean.
Kultura Etxeko Berrikuntza Aretoan Gauean dir-dir egiten dute (Brillan en la noche) bideo-instalazioa jarriko du ikusgai Jose Ramon Ais artistak. Zehazki, Aisek Kuban egindako egonaldiaren emaitza da ikus-entzunezko proiektua.
Sortzaile laudioarrak 90eko hamarkadatik hainbat erakusketa kolektibotan parte hartu du eta berak bakarrik ere bederatzi aldiz eskaini du bere lana. Gainera, beka ugariren irabazlea izan da hamarkada hauetan.
Artista ezagutzeko aukera paregabea egongo da urriaren 22an egileak berak azalduko baitu proiektua nola garatu zuen, 18:30ean Berrikuntza Aretoan bertan izango da hitzordua eta abenduaren 23ra arte bisitatu ahalko da.
Horrez gain, kulturlab egitasmoak Elexalde kalean dagoen lokala ere elikatu dute eta Arantza Escondrillas izan da hautatua horretarako. Laudioarrak margoketa eta marrazketa uztartuko ditu eta urriaren 23tik aurrera bisitatu ahalko da lana.