Atzo zendu zen Igor Arzuaga Gumuzio musikari aretarra eta familiak aukera emango die lagun eta ezagunei azken agurra egiteko. Bihar, osteguna, 20:00etan izango da Aretako Santa Ana parrokian.
Arzuaga eta Gumuziotarrek azaldu dute Igorren erabakia izan zela Aretan elizkizuna egitea, bere aitak egin zuen bezala. Horregatik, hain zuzen, jende oro hara joatera gonbidatu dute, azken agur jendetsua izateko.
Artistaren heriotza ez da oharkabean igaro. Berria egunkariak atzo bertan argitaratu zuen albistea, Naiz hedabideak ere jaso du, beste hainbat hedabiderekin batera.
Aretarraren lagunek ere tartea hartu dute bere bizitza oroitzeko, Mikel Ayllon idazleak, besteak beste. Oier Amorrortu adiskideak ere erretratua argitaratu du story gisa.
