Ametsuts emakume elkartearen egoitza erasotu dute

Izar Mendiguren Cosgaya 2017ko abenduaren 29a
Deskargatu Info Ahotsak :

Ametsuts elkartean margoketak azaldu dira / Okondoko Udala

Ametsus emakume elkartearen egoitzako horman margoketak azaldu dira. Okondoko Udalak gertaera salatu du, eta elkartasuna adierazi die kideei.

Ametsuts elkarteko egoitza erasotu dute margoketa bidez. Okondoko alderdi guztiek salatu dute gertaera adierazpen instituzionala plazaratuta. 

Alderdien salaketa

Batetik, "zuzeneko erasotzat" jo dute kultur etxeko eraikinean pintaketak agertzea. "Eraso guztien kontra gaude". Hori dela eta, elkartasuna adierazi diete emakume elkarteko kideei: "Ezerk ez du justifikatzen horrelako erasoa jasatea. Gainera, Emakume elkarte baten kontrako eraso matxista izan da, eta Okondon ez dugu eraso matxistarik onartzen".

Zentzu horretan, Ametsuts elkartearen lana aitortu dute, "herriko gainerako eragileena bezala". Gauzak hala, Okondon errespetuan eta bizikidetzan oinarritutako jarrerak bultzatzeko beharra azpimarratu dute, "erasoak baztertuz eta salatuz".

Jendartea Okondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide