Be Mad Tv telebistan eskainiko dute Aratz Garmendiaren hurrengo borroka

Arkaitz Ramos, Giorgi Bazanov, Aratz Garmendia eta Wesley de Jesus./ Aiaraldea.eus

La Casillan lehiatuko da Aratz Garmendia MMA diziplinan martxoaren 9an. World Fight Tour enpresa ekimenak antolatu du borrokaldia.

Ostegunean Gran Casino Bilbaon aurkeztu zuten martxoaren 9an egingo den borrokaldia La Casillan. World Tour Fight enpresa taldeak bultzatu du kirol ikuskizuna eta gala eredua jarraituko du, ekimena zabaltzeko.

Be Mad Tv telebistan igorriko dituzte MMA norgehiagokak eta Aratz Garmendia sartuko da kaiolan, besteak beste. Osteguneko prentsaurrekoan Garmendiak ziurtatu zuen dena emango duela eta lehia politak egongo direla. Okondon bizi den kirolariak ez daki gehiegi bere aurkariari buruz, Declan Williams: "Jotzaile ona da, hori bakarrik dakigu".

Prentsaurrekoan Arkaitz Ramos, Wesley de Jesus eta Giorgi Bazanov ere egon ziren. Guztiek ezagutzen dute elkar eta giroa ona izan zen euren artean. Txantxak eta iruzkin umoretsuak ez ziren falta. Hala ere, Bazanov eta de Jesus aurrez aurre egongo dira eta nabarmendu zuten kaiolara igotzean gogor joko diotela elkarri "publikoari errespetua erakusteko".

Duela bi urte baino gutxiago ere telebistan agertu zen Aratz Garmendia:

Erlazionatuak

Be Mad telebistak emitituko du Aratz Garmendiaren borroka larunbatean

Okondo

Aratz Garmendiak Bellator enpresak antolatutako World Fight Tourren arituko da larunbatean eta Be Mad telebistan emango dute borrokaldia 22:00etati...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide