Prentsa-ohar berria plazaratu du Okondoko EH Bilduk Itzalde abesbatzaren diru-laguntzaren harira. Udalak diru-laguntza ukatu zion abesbatzari, eskaera epez kanpo aurkeztu zuelako. EH Bilduk erabaki hori kritikatu zuen, abesbatzak egiten duen lana nabarmenduz. Udal gobernuak, bere aldetik, adierazi zuen aurreko urte batzuetan ere ukatu egin dituztela laguntzak (Ametsuts elkarteari eta Jubilatuen Klubari) arrazoi beragatik eta EH Bilduk ez duela ezer esan.
Hori gezurra dela nabarmendu du EH Bilduk, bi elkarte horiek eskatutako laguntza beti jaso dutela argudiatuta. “Horrela konprobatu daiteke dekretuetan”. Udal-gobernuak, bere aldetik, adierazi du ez duela gaiari buruzko adierazpen gehiago egingo, udal ordenantzan jartzen duena elkarte guztiei berdin aplikatu behar zaiela nabarmenduta.
Oposizioko taldeak ziurtatu du Ametsuts elkarteak eta Jubilatuen Klubak beti jaso dutela laguntza, Okondo Aurrerak esandakoaren kontrara.
Erlazionatuak
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide