San Romango Jai Batzordeak adierazi duenez, gaur egongo da 19:00etatik 21:00etara abuztuaren 8ko herri afariko txartela eskuratzeko aukera. Guztira, 120 lagunentzat prestatuko dute afaria, 10 euroren truke.
Bolo txapelketarekin hasiko dira festak, larunbatean. Hain zuzen, 18:00etatik 20:00etara "sailkatzeko jaurtiketa" egingo dute, baita igandean 11:00etatik 13:00etara ere.
Ekintza nagusiak, baina, abuztuaren 8an eta 9an pilatuko dira. Ostegunean "Party man" haur ikuskizunak abiatuko du egitaraua 19:00etan, eta ondoren bola-jokoa, mus txapelketa, odolki jana eta disko jaia izango dira nagusi.
Ostiralean -abuztuak 9- aldiz, orotariko txapelketak eskainiko dituzte: igel-toka, briska, makila jaurtiketa... Jai giroa beraz, bermatua dago: herri-afarian ehundik gora lagun batuko baitira.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
