Okondoko bizilagun bat hil zen iragan martxoaren 18an koronabirusagatik positibo eman ostean

Okondoko artxibo irudi bat. / Aiaraldea.eus

Osakidetzaren analisian ez dago kasu hori zenbatuta. Hildakoaren familiak ziurtatu du 17an ospitaleratu zutela gizonezkoa, eta hurrengo egunean zendu zela.

Okondoko bizilagun bat zendu zen iragan astean koronabirusagatik positibo eman ostean. Gizonezkoa martxoaren 17an ospitaleratu zuten, koronabirusaren proba egin zioten eta positibo eman zuen. Hurrengo egunean hil zen, senideek Aiaraldea hedabideari ziurtatu diotenez.

Osakidetzak egunero plazaratzen dituen analisietan, ordea, ez da heriotza hori agertzen. Martxoaren 18koa (okondoarra hil zen egunekoa) da Osakidetzaren lehen txostena, eta bertan ez da udalerri horretan jazotako kasu positiborik agertzen, ezta hurrengo egunetakoetan ere ez. Okondoko lehen kasua gaur eguerdian argitaratu den txostenean agertzen da.

Gauzak hala, honekin hiru dira Covid-19 birusaren ondorioz eskualdean publiko egin diren heriotzak. Iragan astean Laudioko auzokide bat zendu zen, eta aste honetan herri bereko San Roke Foru Egoitzako erabiltzaile bat hil da.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide