Kaitin Allendek irabazi du Gasteizko I. Umore Jaialdiko bakarrizketa txapelketa

Kaitin Allende Florida zinemetan. / Stuart McDonald musicsnapper

Okondoarra finalean nagusitu zen igandean, euskarazko bakarrizketa baliatuta.

Pasa den astean ospatu zen Gasteizen Komedialdia, Arabako hiriburuan egin den lehen umore jaialdia. Diziplina anitzak landu dituzte eta horietako bat izan da bakarrizketa.

Hain zuzen, antolatzaileek proposatu zuten bakarrizketen txapelketa eta Euskal Herrikoek ez ezik, estatu espainiarreko hainbat umoregilek ere eman zuten izena. Lehenengo kanporaketaren ostean, igandean lehiatu zen finala Florida zinema aretoetan eta Kaitin Allende okondoarra izan zen garaile.

Okondoko sortzailea harrituta geratu da emaitzarekin eta pozik dagoela ziurtatu du. Finalean beste lau umoregile izan zituen aurrez aurre, Madril, Segovia, Bilbo eta Gasteizkoak.

Komedialdiaren lehenengo edizioan umorea eta osasuna izan dute hizpide eta antzerkia zein euskarri grafikoak edota stand up comedy generoa jorratu dituzte. 

Erlazionatuak

"Futbolean publikoa beharrezkoa dela aldarrikatzen badute, umorean gauza bera egin behar dugu"

Okondo

KAITIN ALLENDE ZALDUNBIDE (Arrasate, 1972) langabezian utzi zuen COVID-19ko pandemiak modu bikoitzean: kazetaritzan zein umoregintzan. Egoera horri...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide