Eguraldia eta paisaia lagun egin dute Aiarako Biraren laugarren etapa. 11:00etan zuten hitzordua Okondoko San Bartolome plazan, eta bertatik udaletxe ingurura abiatu dira txirrindulariak. Izan ere, udaletxean hasi da ofizialki lasterketa. Pablo Alcalde kirol zinegotziak egin du zinta mozketa.
Helmuga, aldiz, San Roman auzoko aldapa bukaeran kokatu dute. Horrenbestez, etapa bizia bezain gogorra izan da 200 txirrindulari gazteek osatu behar izan dutena. Hasteko, Zuhatzatik Arespalditzara jo dute, Amurrio eta Urduña igaro ostean, Mendeika eta Izoriatik Okondora itzultzeko. Bukaera, baina, ez-ohikoa izan da, maldan gora erabaki baitira lehen postuak.
#aiarakobira2022 pic.twitter.com/AMR4RIsoo9
— Aiarako Bira (@AiarakoBira) March 20, 2022
Atzoko etapak Laudioko eremuak izan zituen ardatz. Abiadurak markatu zuen batik bat lasterketa. Gaurkoak, aldiz, desnibela eta erresistentzia izan ditu ezaugarri.
#aiarakobira2022 pic.twitter.com/Ouspojmun8
— Aiarako Bira (@AiarakoBira) March 20, 2022
Aiarako Biraren jarraipen osoa webgunean eta sare sozialetan egiten ari dira.Twitter kontua sortu dute horretarako, ekimenaren izen berarekin:
#urduña #aiarakobira2022 pic.twitter.com/bPgRfM70bz
— Aiarako Bira (@AiarakoBira) March 20, 2022