Datorren larunbatean -uztailak 9- egingo da Okondoko Txakolin Jaia. Aurreko urteetako ildoari jarraiki, gonbidatu berezi bat bertaratuko da herrira, "ohorezko topaldia" egiteko. Aurten Maribel Salas aktoreari egokitu zaio rol hori betetzea. Aktore barakaldoarrak ibilbide oparoa egin du telebistan eta antzerkian, baina, batez ere, Vaya semanita programari esker bilakatu zen bereziki ezagun.
Baina bera ez da izango Txakolin Jaia bisiatatuko duen Vaya Semanitako lehen aktorea. Aurreko edizioan (2019koan, alegia), Diego Perez antzezlea izendatu zuten bertoko txakolinaren enbaxadore.
Eguerdiko egitaraua
13:00etan egingo dute topaldia. Aurretik, baina, hainbat jarduera egingo dira. 12:00etan hasiko da egitaraua, txakolin eta hegaluze dastatzearekin. Ordu erdi beranduago hasiko dira haurrentzako jolasak, eta 14:00etan ekitaldi berezia egingo dute. Aurreratu dutenez, "pertsona berezi bati" egingo diote aitortza, "Okondoren izen ona munduan sustatzeagatik".
Zozketa egingo dute ekitaldiaren ostean, 14:30ean. Jukevox taldea arduratuko da arratsaldea girotu eta jaiari amaiera emateaz, 15:15etik aurrera.