Gabon egun gorabeheratsua izan zen larunbatekoa Okondoko Billatxikan. Izan ere, 19:30ak aldera larrialdi zerbitzuek deia jaso zuten bi autok su hartu zutelako.
Incendio de dos turismos en Villachica (Oquendo). Bi auto sutea Billatxikan (Okondo). pic.twitter.com/bgzYIUrvua
— Arabako Foru Suhiltzaileak (@BomberosAraba) December 24, 2022
Arabako Suhiltzaileak bertaratu ziren tokira eta 20:00etarako lortu zuten sutea itzaltzea. Dena den, geroago itzuli behar izan ziren eremura, sua berriro piztu zelako inguruko belarretan.
Aurten beste bi sute egon dira herrian. Bat bereziki larria eta tragikoa izan zen, martxoan hiru herritar zendu baitziren.
Besteak, ordea, furgoneta bat txikitu zuen guztiz.
Furgoneta bat erre da gauean Okondon eta Ertzaintza ikertzen ari da zerk eragin duen sua. pic.twitter.com/AOQA9Z9uNJ
— Aiaraldea.eus (@aiaraldea) April 14, 2022
Ertzaintzak adierazi dionez Aiaraldea Komunikabideari, nola sortu ziren sugarrak ikertzen ari da
Artziniegan ere esku hartzea
Ez da hori izan asteburuan suhiltzaileek egindako esku hartze bakarra. Berez, ostiralean Artziniegan ere lanean ibili ziren auto bat atera zelako errepidetik eta ezponda batera erortzeko arriskuan geratu zelako. Suhiltzaileek barruan zeuden lagunak erreskatatu zituzten eta ez zen zauriturik egon.