Bizkaiko kadete kategoriako tenis txapelketa ere irabazi du Ander Urquizak

Aitor Aspuru Saez 2025eko apirilaren 7a
Deskargatu Info Ahotsak :

Ander Urquiza -erdian- Kadete kategoriako garaikurra eskuan. / M. U.

Garaipen berri hori ospatzeko ia tarterik izan gabe ekin dio Euskadiko Junior Txapelketa jokatzeari eta lehen kaleratzea gainditu du jadanik.

Ander Urquizak garaikur berria gehitu zion bere palmaresari larunbatean. Izan ere, Bizkaiko Tenis Txapelketa irabazi zuen. Asteburuko garaipena kadete kategorian izan zen, duela hamar egun junior kategoriakoa lortu ondoren. Aintzat hartuta junior maila kadeteena baino nagusiagoa dela, ez zen guztiz ezustekoa izan lorpena.

Lau partidatan erakutsi zuen nagusitasuna eta finalean ere 6-0 eta 6-1 gailendu zen.

Euskadiko Txapelketan bizirik

Herrialdeko txapelduna izan eta gero, igandean bertan hasi zuen Urquizak Euskadiko junior txapelketa. Gasteizen ari da jokatzen lehiaketa eta igandean bertan final laurdenetan sartzea erdietsi zuen okondoarrak.

Aste honetan jokatu beharko du kanporaketa Markos Aramayoren kontra.

Kirola Okondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide