Ander Urquizak Bizkaiko Tenis Txapelketa irabazi du junior kategorian

Aitor Aspuru Saez 2025ko mar. 31a, 16:00

Ander Urquiza garaikurra eskuan. / M. U.

Gainera, kadete kategorian ere lehiatzen ari da eta kategoria horretan ere irabazteko aukerak ditu.

Ander Urquiza hamabost urteko gazteak garaipena lortu zuen atzo Bizkaiko Tenis Txapelketan. Berez, okondoarraren kategoria kadetea da, baina 17 eta 18 urtekoen artean gailendu da.

Horrez gain, kadeteen txapelketan ere lehiatzen ari da eta final laurdenetan dago jadanik.

Martxoa hilabete bizia izaten ari da Urquizarentzat, Euskadiko Talde Txapelketan bigarren sailkatu baitzen bere taldearekin, Plentzia Tenis Klubarekin.

Ibilbide luzea, gaztea izan arren

Urquizaren eskarmentua zabala da tenisean. Izan ere, bost urterekin hasi zen jokatzen Laudioko klubean eta zortzi urterekin lehiaketetan parte hartzen zuen dagoeneko.

Horrela, 2021ean Arabako txapelduna izan zen, eta horri esker Espainiako Txapelketan aritu zen.

Bizitza osoan Laudion entrenatu eta gero, irailean Plentziako klubarekin egin zuen federazio fitxa eta horregatik lehiatzen da Bizkaian orain.

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide