Martiartu Openaren lehen edizioa irabazi du Ander Urquizak eta Euskadiko Txapelketako finalerdia jokatuko du asteburu honetan

Erredakzioa 2025eko maiatzaren 22a
Deskargatu Info Ahotsak :

Ander Urquiza okondoarra, artxibo irudi batean.

Euskadiko Txapelketa irabaziz gero, Espainiakoan jokatzeko txartela lotuko luke okondoarrak.

Ander Urquiza tenis jokalariak beste garaipen bat eskuratu du asteburuan. Zehazki, Martiartu Openaren lehen edizioa irabazi zuen kadete kategorian.

Adin tarte berean (kadete) Euskadiko Txapelketako finalerdiak jokatuko ditu Iker Bejarren aurka, asteburuan. Txapelduna izanez gero, Urquizak aukera izango du Espainiako Txapelketan aritzeko. Bigarren postua bereganatzen badu ere horretarako parada izango du; baina, lehenik eta behin, aurretiko kanporaketan lehiatu beharko litzateke.

Bere adinagatik dagokion kategoria kadetea da eta bere entrenatzaileak gogoratu du, momentuz, ez duela ezta joko bat galdu. Gainera, aipatu beharra dago Urquiza apirilean kategoria nagusi batean (junior) lehiatu zela eta finalerdietara heltzea lortu zuela.

Kirola Okondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide