Okondoko EH Bilduk eskatu dio udal gobernu taldeari seriotasunez hartzea euskararen erabilera eta ezagutza zabaltzea

Erredakzioa 2026ko uztailaren 23a
Gehitu gaitzazu Googlen
Deskargatu Info Ahotsak :

Udal igerilekuetan ez dagoela euskarazko kartelik adierazi du EH Bilduk.

Oposizioko taldeak kritikatu du Txakolin Egunean udal ordezkariek ez zutela euskara erabili eta igerilekuetako zerbitzuaren kartel guztiak gazteleraz daudela.

Okondoko EH Bilduk exijitu dio udal gobernu taldeari euskararen sustapena serio hartzea, eta bete dezala Euskararen Erabilera Normalizatzeko Oinarrizko 10/1982 Legea. Hau da, tokiko erakundeko adierazpen eta argitalpen publikoetan "bi hizkuntzen arteko berdintasuna bermatzea" eta lehentasuna ematekotan, euskararen sutapenari ematea.

Oposizioko taldeak ohar bidez adierazi du hori, Okondoko Udalak uztailean jakinarazi ostean herritar talde bati euskararen presentzia indartzeko urratsak hartuko zituela herriko jaietan. 

Gauzak horrela, EH Bilduk salatu du uztailaren 4ko Txakolin Egunean udal ordezkariek ez zutela euskaraz egin. Halaber, oposizioko taldeak azpimarratu du igerilekuetako kartelak gazteleraz baino ez daudela, eta horrek ez duela bat egiten euskararen ezagutza eta erabilera sustatzeko kontratazioetan ezarritako hizkuntza-irizpideekin.

Euskara Okondo

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide