Orozkoko Gure Esku Dago plataformak ekitaldia gauzatu du gaur iragartzeko herri galdeketa egingo dutela 2017an. Erabakitzeko eskubidea erdigunean jarri nahi du plataformak eta, bide batez, 1931. urtean herriko udalbatzaren lekukoa hartu.
Izan ere, urte horretako apirilaren 17an babestu zuten alkateak eta zinegotziek Gernikako Batzar Nagusiek irekitako bidea. Horrela, udalean aldarrikatu zuten “askatasunez erabakita herriek gobernatzeko daukien berezko eta kendu ezinezko eskubidea”, alegia. Berez, ordezkari politiko horiek omendu dituzte gaur.
Orozkoko Gure Esku Dago plataformak ekitaldia gauzatu du gaur iragartzeko herri galdeketa egingo dutela 2017an. Erabakitzeko eskubidea erdigunean jarri nahi du plataformak eta, bide batez, 1931. urtean herriko udalbatzaren lekukoa hartu.
Izan ere, urte horretako apirilaren 17an babestu zuten alkateak eta zinegotziek Gernikako Batzar Nagusiek irekitako bidea. Horrela, udalean aldarrikatu zuten “askatasunez erabakita herriek gobernatzeko daukien berezko eta kendu ezinezko eskubidea”, alegia. Berez, ordezkari politiko horiek omendu dituzte gaur.
Bihar 34 udalerriko galdeketak
Egungo egoerari ere erreparatu diote orozkoarrek eta gogoratu dute bihar egingo direla 34 euskal udalerritan erabakitzeko eskubidearen inguruko galdeketak; 125.000 herritar deitu dituzte bozkatzera guztira.
654 atxikimendu
Orozkoko adin eta joera politiko ugariko lagunek parte hartu dute gaurko ekitaldian eta plataformak jakinarazi du 654 herritarrek babestu dutela egitasmoa dagoeneko.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
