Alaitz Aramendiren aurkako 535 urteko kartzela zigorra berretsi du Espainiako Epaitegi Gorenak

Erredakzioa 2018ko apirilaren 18a

Alaitz Aramendi Frantzian dago egun bertan ezarri dioten kondena betetzen.

Gaur jakinarazi dute epaia eta Entzutegi Nazionalak aurretik erabakitakoa ontzat eman du Espainiako Epaitegi Gorenak.

Estatu frantziarrean dagoen euskal preso politiko orozkoarraren kontrako 535 urteko kartzela zigorra babestu du Espainiako Epaitegi Gorenak, helegitea aztertu eta gero. Iazko uztailean ebatzi zuen Entzutegi Nazionalak hori, frogatutzat eman ostean Alaitz Aramendik eta Liher Aretxabaletak lehergailua zartatu zutela Madrilgo San Blas auzoan 2005eko maiatzaren 25ean.

Alaitz Aramendi 2007an atxilotu zuen polizia frantsesak eta egun Roanneko espetxean dago, Euskal Herritik 850 kilometrora, hain zuzen.

Epaitegi frantziarrek ezarritako zigorra bete bezain laster, Estatu espainiarrera bidaliko dute gaur berretsi duten kartzelaldia betetzeko. Legedian egindako azken aldaketekin, Alaitz Aramendik 40 urteko zigorra bete beharko du, eta horiei gehitu jadanik egindako 10 urteak.

Jendartea Orozko

Erlazionatuak

535 urteko kartzela zigorra ezarri dio Entzutegi Nazionalak Alaitz Aramendi preso orozkoarrari

Erredakzioa 2017 uzt 17 Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide