aiaraldea.eus

Sexu erasotuari babesa helarazi diote Orozkoko Udalak eta zenbait eragilek

Erabiltzailearen aurpegia Izar Mendiguren Cosgaya   Jendartea  Orozko

Orozkoko emakume batek erietxe batean jasandako sexu erasoa salatu zuen atzo. Orozkoko eragileek indarkeria matxista gaitzetsi eta mobilizatzeko deia luzatu dute. 

Sexu erasotuari babesa helarazi diote Orozkoko Udalak eta zenbait eragilek
Orozkon eraso matxistak salatzeko mobilizazio gehiago egon dira. / Nora Latatu | Ikusi handiago | Argazki originala

Osasun proba baten ostean erietxean eraso sexualak jasan zituen Orozkoko emakume batek herenegun. Ertzaintzan ez ezik, publikoki salatu zuen gertatutakoa andreak.

Orozkoko Udalak adierazpen instituzionala plazaratu du, gertatutakoa salatzeko: "Erabateko irmotasunez gaitzesten ditugu mota honetako erasoak, gertatutakoa indarkeria matxistak eragindako beste gertaera bat izan da".

Hala, babesa eta elkartasuna adierazi diote erasotuari eta haren hurbilekoei: "Udalak biktimaren esku jarri nahi ditu arreta zerbitzua eta behar duten laguntza guztia. Biktimak salaketa jarrita adierazi duen ausardia azpimaratu nahi dugu".

Aurrera begira, ezinbestekotzat jo du erakundeak indarkeria matxista eta genero desberdintasuna desagertzea, "genero desberdintasuneko jarreren adierazpenik higuingarrienak dira mota honetako erasoak". Zentzu horretan, lanean jarraitzeko beharra nabarmendu dute, "gizarte eta herriko giza eragileekin batera balioetan oinarritutako heziketaren eta gizon zein emakumeen arteko berdintasunaren alde". Horrenbestez, 19:30etako mobilizazioan parte hartzera dei egin diete herritarrei. 

Orozkoko zenbait eragilek bat egin dute gaur 19:30ean Matxintxuk eta Aiaraldeko Mugimendu Feministak deitutako mobilizazioarekin, EH Bilduk eta Gazte Asanbladak kasu:  

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa