aiaraldea.eus

Feminismoz busti dute Orozko Aiaraldeko Emakumeen Topaketan

Erabiltzailearen aurpegia Izar Mendiguren Cosgaya   Jendartea  Orozko
Feminismoz busti dute Orozko Aiaraldeko Emakumeen Topaketan

Atzo izan ziren Aiaraldeko Emakumeen* II. Topaketa Feministak. 40 lagunek hartu zuten parte ekimenean. 

Faktoriak antolatuta, Aiaraldeko Emakumeen II. Topaketa Feminista izan zen atzo. Orozko hautatu zuten topaleku gisa, eta egun osoan zehar lagun ugari elkartu ziren. Herrigunean 4 erakusketa ikusteko aukera egon zen: whatsappen jazarpenarena, hilerokoarena, Manada kasuarena eta Aiaraldeko Mugimendu Feministarena. 

11:00etan hasi zuten jardunaldia, bailarako proiektu feministen aurkezpen maratoiarekin. Eragile ugariren bidez, memoria historiko feminista berreskuratzeko ekimena, Laudio eta Amurrioko etxe feministak, Zaskaleari, Urduñako emakumeen fabriketako lana, irakurketa klub feminista, eskualdeko sortzaileen azoka eta haur lapurtuen ekimena azaldu zituzten. Eguerdian kantukada egin zuten herrian zehar, eta bazkariaren ondoren Emakumeak oholtzara emanaldi kolektiboa. Bertan, musika, antzerkia eta dantza uztartu zituzten. 

Aurrera begirako egitasmoak ere aipatu zituzten Faktoriako kideek. Batetik Aiaraldeko tribial feminista eratzeko prozesua abiatu dute, eta bestetik, emakumeen munduko janak antolatzeko proposamena luzatu zieten bertaratutakoei. Hala, lan-taldeetan egin zituzten ekimenekiko ekarpenak partaideek. Udazkenean aurkeztuko dituzte bi proiektu horiek.

Ikusi argazki guztiak handiago

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa