aiaraldea.eus

Gotzon Martin garaile Portugaleko Abimota itzulian

Erabiltzailearen aurpegia Erredakzioa   Kirola  Orozko

Azken etapan eginiko ihesaldiari esker lortu zuen kirolari orozkoarrak sailkapenean gailentzea. Profesional gisa lortu duen lehen garaipena izan da.

Gotzon Martin garaile Portugaleko Abimota itzulian
Euskadi Fundazioan dago Gotzon Martin profesional gisa. | Ikusi handiago | Argazki originala

Bere lehen garaipena erdietsi berri du Gotzon Martinek profesional gisa, Portugaleko Abimota itzulian. Anadia eta Agueda artean egin zen azken etapa. Txirrindulariek 174,5 kilometroko bidea osatu behar izan zuten.

Kirolari orozkoarrak bigarren postua eskuratu zuen etapa horretan, Pedro Andraderen atzetik sartuta. “Oraindik kostatu egiten zait sinestea, baina azken etapan ihesaldian egin genuenean imajinatzen genuen gertatu zitekeela”, adierazi du txirrindulariak hedabideetan eginiko adierazpenetan.

Iaz hasi zen Martin profesional gisa lehiatzen, Euskadi Fundazioarekin. Aurretik, baina, hainbat marka erdietsi ditu: Bizkaiko eta Euskadiko txapelketak irabazi zituen, besteak beste.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa