Gotzon Martin garaile Portugaleko Abimota itzulian

Erredakzioa 2019ko ekainaren 25a

Euskadi Fundazioan dago Gotzon Martin profesional gisa.

Azken etapan eginiko ihesaldiari esker lortu zuen kirolari orozkoarrak sailkapenean gailentzea. Profesional gisa lortu duen lehen garaipena izan da.

Bere lehen garaipena erdietsi berri du Gotzon Martinek profesional gisa, Portugaleko Abimota itzulian. Anadia eta Agueda artean egin zen azken etapa. Txirrindulariek 174,5 kilometroko bidea osatu behar izan zuten.

Kirolari orozkoarrak bigarren postua eskuratu zuen etapa horretan, Pedro Andraderen atzetik sartuta. “Oraindik kostatu egiten zait sinestea, baina azken etapan ihesaldian egin genuenean imajinatzen genuen gertatu zitekeela”, adierazi du txirrindulariak hedabideetan eginiko adierazpenetan.

Iaz hasi zen Martin profesional gisa lehiatzen, Euskadi Fundazioarekin. Aurretik, baina, hainbat marka erdietsi ditu: Bizkaiko eta Euskadiko txapelketak irabazi zituen, besteak beste.

Kirola Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide