Alaitz Aramendi euskal preso politiko orozkoarra espetxez aldatzen ari dira. Roanneko presondegitik Rennesera eramaten ari dira, hain zuzen. Bidean Fleuryn igaro du gaua. Senideek azaldu dute atzo deitu ziela adierazteko ondo zegoela eta iragartzeko Fleuryn emango zuela gaua.
Berez, familiak argitu du mugimendu horrekin ez dutela ez hurbildu ez batu gainerako Euskal Preso Politikoen Kolektiboko kideekin. Guztira, etxetik 50 kilometro gerturatuko dute, baina oraindik 700 kilometroko bidea egin beharko dute senideek eta lagunek bisitatzeko.
Renneseko espetxea emakumezkoentzat da bakarrik. Alaitz Aramendiren familiak erantsi du Estatu Frantsesak ez duela Hegoaldean presondegirik prestatuta eta, hortaz, hurbilketa ezinezkoa dela, momentuz.
Antza, hurrengo hilabetean Itziar Moreno, berarekin zegoen beste preso politikoa, ere mugituko dute Rennesera.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
_tokikom_735x413.jpg)
