Umeak entretenitzeko “Etxeko Olinpiadak” antolatuko dituzte Orozkon

Julen Solaun Martinez 2020ko martxoaren 26a

Kalean jolastea ezinezkoa denez, etxean egin beharko dute umeek. / Aiaraldea.eus

5 eta 11 urte bitarteko umeek parte hartu ahalko dute, binakako taldeak eginda.

“Etxeko Olinpiadak” ekimena bultzatu du Orozkoko Udalak, konfinamendua ahalik eta hoberen pasatzeko asmoarekin. Probak binaka egin beharko dituzte 5 eta 11 urte bitarteko umeek. Biek proba bera egin beharko dute, haien denborak gehitu eta infoinduma@yahoo.es helbidera bidali, beste parte-hartzaileekin neurtzeko.

Talde bakoitzak lortutako denborak udalaren webgunean publikatuko dira. Posiblea izango da ere bi taldekideak etxe ezberdinetan bizitzea. Beraz, probak “egoera ahalik eta antzekoenetan” egitea gomendatzen dute antolakuntzatik, betiere jolas bat besterik ez dela gogoratuta.

Hainbat motakoak izango dira probak, hamar guztira. Hemen ikusi daiteke informazio guztia:

Jendartea Orozko

Erlazionatuak

Etxeko Olinpiaden oinarriak

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide