Larrialdi krisitik ateratzeko Orozkorako neurri berriak proposatu ditu EH Bilduk

Orozkoko EH Bilduko zinegotziak, artxibo irudi batean. / Aiaraldea

Neurriak lantzeko eta adosteko espazio bat sortzea proposatu diote udal gobernuari, besteak beste.

Orozkoko EH Bilduk elkartasunaren aldeko apustua egin behar dela adierazi du ohar bidez, eta udaleko neurriak lantzeko eta adosteko espazio bat sortzea eskatu dio alkatetzari. Era berean, taldeko kideek  adierazi dute orain arte jaso duten informazioa “oso urria” izan dela, eta neurriak adosteko eta erabaki bateratuak hartzeko ez dela “inolako espaziorik” eskaini. Gauzak hala, udal gobernuari eskatu diote beste udal talde politikoei “informazio zuzena" ematea, eta ekarpenak egiteko gune bat irekitzea, “neurriak adostu eta ahalik eta eraginkorrenak izateko”. Alderdiez gain, polizia, gizarte zerbitzu eta berdintasun zein boluntarioen sareetako ordezkariek ere parte hartzea nahi dute koalizio abertzaleko kideek.

Proposamen berriak

Zehazki, egoerak sortutako "krisialdi ekonomikoa leuntzeko" ondorengo ekimenak mahaigaineratu dituzte: arrisku handiena duten eta behar bereziak dituzten familiak identifikatzea; eta, eskola jantokia itxita mantendu bitartean, umeen bazkaria bermatzea. Negozioak itxi behar izan dituzten pertsonentzako diru-laguntzak abian jartzea ere eskatu dute.

Udal gobernuaren erantzuna
Prentsa oharraren harira, ADIEk orain arte gauzatutako neurriak ekarri ditu gogora: "Krisialdiaren hasieratik lanean ari gara, Orozkoko jende guztia pandemiatik bizirik ateratzeko, ahalik eta kutsatu gutxien egoteko, eta egoera hau amaitzen denean guztiok ahalik eta hoberen egoteko. Hau ez da momentua borroka politikoetan galtzeko, erabakiak hartzeko eta auzokideak zaintzeko baizik. Krisialdi honetan elkarturik egon behar dugu eta laguntzeko bakoitzak ahal duena egin, eztabaida politikoak itxaron dezake, gure osasunak ez".

Orozkoko Udalak, zenbait neurri hartu ditu koronabirusak eragindako larrialdi egoera ezarri zenetik. Besteak beste, udaletxeko jendaurreko zerbitzua itxi dute, eta herritarren laguntza sarea eskaini. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide