Osasun eta zaintza publikoak indartzearen aldeko apustua plazaratu du EH Bilduk Orozkon

Herri bizkaitarrean egindako topaketan, Jon Iñarritu diputatuak eta Bea Ilardia Bizkaiko bozeramaileak Urkullu lehendakariaren gestio ekonomikoa kritikatu dute.

Osasun eta zaintza sistema publiko “potenteak” izateko beharra azpimarratu du gaur arratsaldean EH Bilduk Orozkon egindako mitinean.

Jon Iñarritu diputatuaren eta Bea Ilardia Bizkaiko bozeramailearen partaidetzarekin, Urkulluk sistema publikoan mozketak egingo dituela ziurtatu dute, irabaztekotan mozketak “noiz, non eta nondik” ezbaian jarri du.

Iñarrituk, bere partetik, alderdi abertzalearen hiru oinarriak azpimarratu ditu, “ardatz soziala, askatasun ardatza eta burujabetzaren ardatza”. Burujabetzaren ardatza izan du, hain zuzen ere hizpide diputatuak, Urkulluk ez baitu autodeterminazio kontsultarik egin, eta irabazitako lehenengo hauteskundeetan egingo zituela zin egin zuela leporatu dio.

Ekonomiari dagokionez, Covid-19ak sortutako krisiak Estatu mailan 700.000 pertsona pobrezia egoeran utzi dituela adierazi du Iñarrituk, eta 23 pertsona aberatsenek 20.000 milioi euro irabazi dituztela epe berean kritikatu du.

Azkenik, Ilardiaren aburuz, EAEko gizarteak behar duen osasun eta zaintza sistema “agerian” utzi du osasun krisiak, inbertsio handiagoa behar dela zehaztuta, eta EH Bildu kokatu du irtenbide berriak proposatzeko adina gaitasun duen alderdi bakartzat.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide