Gaztedi-Nerbioi Ibaizabal programa eta udaleko jubilazio plana izan ziren bilkurako gai nagusiak
Izar Mendiguren Cosgaya
2020ko uzt. 17a, 07:00
Udal behargin baten erretiroak eztabaida eta desadostasunak piztu zituen gobernu taldearen eta oposizioaren artean.
Asteartean izan zen Orozkoko uztaileko udalbatza. Orozkoko osasun zentroko langileen esker adierazpenarekin hasi zen bilkura.
Gazteei baliabideak eskaintzeko Bizkaiko Foru Aldundiarekin lotutako akordioa egon zen gaien. Arrigorriaga, Basauri, Galdakao, Orozko, Urduña, Ugao, Etxebarri, Arakaldo eta Zeberioko udalekin elkarlanean egingo dute hitzarmena, "Gaztedi Nerbioi-Ibaizabal" plana garatzeko.
Jarduerak hainbat ardatz ditu, Pedro Mari Intxaurraga alkatearen esanetan, "hezkuntza, enplegua, kultura, gizarteratzea...". Hiru urterako akordioa da, 2023 bitartekoa, "baina urtero onartu edo sinatu behar da". Aho batez onartu zen puntua.
Erretiroa dela eta, polemika
Dekretuen artean, aurretik erretiratzeko aukeraz galdetu zuen oposizioak, udal behargin baten erretiroa medio. Alkateak prozesuari buruzko azalpenak eman zituen, eta oposizioak borondate eza leporatu zion. Eztabaida eragin zuen gaiak alderdien artean, jubilazio plana iraungita baitago.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
