Nora Latatu Landaluzek irabazi du hirugarren aldiz Orozkoko Jaien kartel lehiaketa

Nora Lataturen lana./ Orozkoko Udala

Ospakizunak bertan behera geratu badira ere, sanantolinetako kartel lehiaketa mantendu du udalak eta Nora Latatu Landaluzek irabazi du helduen kategorian. Izaro Agirre Sasiain izan da onena umeen artean.

San Antolin Jaien kartel lehiaketaren emaitza jakinarazi berri du Orozkoko Udalak eta Nora Latatu Landaluzeren "Dantzatu ezazu bizitza" lana aukeratu dute helduen kategorian. Herriko gazteak hirugarren aldiz jarraian irabazi du lehiaketa, eta 300 euroko saria jasoko du.

2. sailkatua Arantza San Pedro Uriondo izan da, eta 150 euro eskuratuko ditu. "Posiblea da" kartelak du bere egiletza.

Bestalde, 14 urtetik azpikoen artean Izaro Agirre Sasiainen sorkuntza izan da epaimahai teknikoaren eta herrikoiaren babesa lortu dituen lana: "Aurtengo sanantolinetan maskarak aurpegietan". 100 eurotan baloratutako margo-materiala emango diote gazteari.

Ekainaren amaieran hasi zen epea artelanak bidaltzeko, eta uztailaren erdialdean bukatu zen. Geroztik, Orozko Museoan egon dira ikusgai, herritarren eta epaimahai teknikoaren balorazioa jasotzeko.

Erlazionatuak

Sanantolinetako kartela aukeratzeko lehiaketa abiatu du Orozkoko Udalak

Orozko

Ekainaren 29tik uztailaren 17ra bidali ahalko dira lanak; irabazleak 300 euroko saria izango du, eta 150€ bigarrenak.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide