Sanantolinetako kartela aukeratzeko lehiaketa abiatu du Orozkoko Udalak

Ezohikoak izango dira aurtengo sanantolinak. / Aiaraldea.eus

Ekainaren 29tik uztailaren 17ra bidali ahalko dira lanak; irabazleak 300 euroko saria izango du, eta 150€ bigarrenak.

Aurtengo Orozkoko jaietako kartela hautatzeko lehiaketa aurkeztu dute jada. “Sanantolinak egoera berezian COVID-19 pandemia dela eta” izango da gaia. Ezinbestekoa izango da “Orozkoko sanantolinak 2020. Irailaren 1etik 6ra” testua sartzea irudian.

Bi kategoria egongo dira, 14 urtetik beherakoena eta 15 urtetik gorakoena. Nagusien kategorian 300 euroko saria egongo da irabazlearentzat, eta 150 eurokoa bigarren sailkatzen den pertsonarentzat. Umeen lehiaketan, berriz, 100 eurotan baloratutako margo-materiala  emango zaio irabazleari.

Lehiaketara aurtengo maiatzaren 4a baino lehen udalerrian erroldatuta zeuden pertsona guztiak aurkeztu ahalko dira, betiere lana beste lehiaketa batean aurkeztu ez badute. Marrazkia Din-A3 formatuan entregatu beharko da, teknika librea izanik. Ezinbestekoa izango da norberaren datuak eta kontaktua gutunazalaren barruan sartzea bigarren orri batean; eta posiblea izango da infoinduma@yahoo.es helbidera bidaltzea, datuak aparteko dokumentu batean idatzita ematen badira.

Lanak ekainaren 29tik uztailaren 17ra arte aurkeztu ahalko dira. Uztailaren 24an emango dute epaia. Alabaina, bidalitako lanak Orozkoko Museoan egongo dira ikusgai ordura arte eta erakustaldia amaitzean eskuratu ahalko dituzte egileek berriro. Epaimahaiaren balorazioa www.orozko.eus webgunean, argidun karteletan eta udaleko sare sozialetan jakinaraziko dute.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide