Azaroaren 4an plazaratuko dute Alaitz Aramendiren aurkako euroaginduaren gaineko erabakia

Txabi Alvarado Bañares 2020ko urriaren 1a
Deskargatu Info Ahotsak :

2007tik dago preso Alaitz Aramendi Frantzian.

2007tik dago orozkoarra Frantzian preso, eta beste 40 urteko kartzela zigorra ezarri diote Espainian. 

Madrilgo Auzitegi Nazionalak Alaitz Aramendiren aurka aurkeztutako euroagindua aztertu zuen atzo Parisko Dei Auzitegiak, eta jakinarazi zuen azaroaren 4an emango duela eskaera horren gaineko erabakiaren berri. 

Auzitegi Nazionalak 535 urteko kartzela zigorra ezarri zion orozkoarrari duela hiru urte, 2005ean  ETAk Madrilgo San Blas auzoan auto-bonba baten bidez eginiko atentatuaren atzean egotea egotzita. Helegitea aurkeztu arren, Espainiako Auzitegi Gorenak kondena berretsi zuen 2018an. 

Naiz hedabideak zabaldu duenez, Aramendiren abokatuak honako eskaera hau egin dio Frantziako epaitegiari: espainiar agintariei bermeak eskatzea orozkoarrak frantziar kartzeletan eginiko urteak kontuan izan ditzan.

Izan ere, legedian egindako azken aldaketak medio, Alaitz Aramendik 40 urteko zigorra bete beharko du Espainiako Estatuan. Orozkoarrak 2007. urtetik darama Frantzian preso, eta otsailean amaituko du bertan ezarri zioten kondena. 

Politika Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide