Orozkoko Txirrindulari Elkarteak urteko azken eguneko zita aurkeztu du jada. Berrikuntzekin dator, gainera. Izan ere, COVID-19 birusak eragindako pandemiaren ondorioz, ez da ohiko duatloia izango.
Gaur zabalduko da parte hartzeko epea, eta abenduaren 31 arte egongo da ekarpena egiteko aukera. Bildutako diru guztia Bizkaiko Elikagaien Bankura bideratuko dute, azaldu dutenez. "Kirol apur bat egiteaz gain, gaur egun gehien behar daurienei laguntza eskeiniko dotsezue, jasotako diru guztia Bizkaiko Elikagaie Bankuari emongo dotsegulako".
Ekarpena egiteko 3 modu
Umeek euro bateko dohaitza egingo dute, eta helduek 3 eurokoa. Dena den, ekarpenak egiteko modua ere ireki dute antolatzaileek. Internet bidez eman behar da izena.
Horrenbestez, abenduaren 31n ez da lasterketarik ospatuko Orozkon. Dena den, herritarrei ekimenarekin bat egiteko deia luzatu diete.
XXVIII. edizioa egingo dute aurten, Orozkon. Aiaraldea Hedabideak urtero argitaratu izan du irudi erreportajea:
- 2013ko Orozkoko San Silvestre Duatloia
- 2014ko Orozkoko San Silvestre Duatloia
- 2015eko Orozkoko San Silvestre Duatloia
- 2016ko Orozkoko San Silvestre Duatloia
- 2017ko Orozkoko San Silvestre Duatloia
- 2018ko Orozkoko San Silvestre Duatloia
- 2019ko Orozkoko San Silvestre Duatloia
2017ko lasterketa horrelakoa izan zen, herriko txirrindulari elkarteak osatutako bideoan ikus daitekeenez: