Orozkoko ostalaritza laguntzeko zozketa jarri du martxan Sautu Goikoa baserriak

8 lagunentzako 2 gau zozketatuko dituzte herriko ostalaritza laguntzeko. / Sautu Goikoa

Landetxeak txartelak jarri ditu salgai, eta lortutako diru guztia herriko ostalaritza bultzatzera bideratuko dute, diru-laguntza gisa.

Orozkoko Sautu Goikoa landetxeak ekimen solidarioa jarri du abian. Herriko ostalaritza laguntzeko asmoz, landetxean zortzi lagunentzako asteburu bat zozketatuko dute, eta zozketatik ateratako diru guztia ostalaritza sektorera bideratuko dute, laguntza gisa.

Orozkoko ostalariak oso eskertuta azaldu dira ekimenarekin. Herriko taberna eta jatetxe gehienetan eskuratu daitezke zozketan parte hartzeko txartelak, euro baten truke. “Hitzik gabe geratu gara Sautu Goikoa baserriko lagunek martxan jarritako egitasmoarekin” adierazi dute Itxina Tabernako langileek, esaterako.

Zozketa urtarrilaren 1ean egingo dute, Orozkoko Zubiaur auzoko plazan, eguerdiko 12:00etan. Irabazleak edozein asteburu aukeratu ahalko du landetxeaz gozatzeko, 2021eko Aste Santua baino lehen bada ere.

Ekimen solidario gehiago

Aurretik ere elkartasun ekimenak burutu izan dituzte Sautu Goiko baserriko kideek. “Beste urte batzuetan jostailu bilketak antolatu ditugu Udaletxearekin elkarlanean”, azaldu du Olga Abans landetxeko langileak.

Aurten, arrazoi sanitarioak tarteko, ezinezkoa izan zaie jostailu bilketa antolatzea, eta horregatik sortu dute herriko ostalaritza laguntzeko ekimena.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide