Euskal Herriko txapelketa irabaztea lortu dute Olgetan taldeko pala jokalariek

Aimar Gutierrez Bidarte 2021eko uztailaren 10a

Mallabian jokatu dira Euskal Herriko gomazko pala txapelketako finalak. Naroa Saez, Uxue Etxebarria, Nerea Isusi eta Olatz Zulaika orozkoarrak gailendu dira 3. eta 2. mailako norgehiagoketan.

Euskal Herria Irekia gomazko pala txapelketa irabazi dute Olgetan pilota elkarteko Naroa Saez, Uxue Etxebarria, Nerea Isusi eta Olatz Zulaika kirolariek. Aurreko asteburuan lortu zituzten finaletarako txartelak bi bikoteek, eta gaur jokatu dira norgehiagokak Mallabiako frontoian.

Saez eta Etxebarria Hernaniko pala jokalarien aurka lehiatu dira 3. mailako finalean, eta 10-30 gailentzea lortu dute. Markagailua 15-30 tantoetan utzita, 2. mailako finala irabazi dute Isusik eta Zulaikak, Errekaleor taldeko nesken aurka.

Argazkiak: Samuel Pasandin Sanchez

Kirola Orozko

Erlazionatuak

Orozkoko pala jokalariak, denboraldia borobiltzeko final handien atarian

Aimar Gutierrez Bidarte 2021 uzt 09 Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide