2019an urrezko mamia eta izarra jaso ostean eta iaz izarra eskuratuta, aurten ere Iza okindegiak aitorpena lortu du Panátics plataformaren eskutik. Ogi adituek Estatu Espainiarreko 80 okindegi onenak hautatu dituzte eta horien artean kokatu dute Orozkon eta Laudion lokalak dituena.
Aida Fuentes Izak poztasun handia adierazi du, okin artisauen lana goraipatzen baitu egitasmoak. Valentzian izan da aurten sari banaketa. Bezeroei eman dizkie eskerrak okinak, erakusten duten konfiantza.
Ikastaroa Faktorian
Atzo ogi berezia saldu zuen Izak eta lortutako dirua indarkeria matxista pairatu duten emakumeentzat bideratuko du. Horrez gain, bihar ikastaroa eskainiko du Faktorian.
Hain zuzen, ama orea zer den azalduko du eta ogi artisauko dastatzea egingo du. Guztira, bi ordu iraungo du jarduerak eta izena hemen eman daiteke.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
