Bihar (igandea) elkarretaratzea eta auto karana egingo dituzte berriz.
Mobilizazio asteburua egiten ari dira Madres Mercedariaseko langileak, lan baldintza duinak aldarrikatzeko. Ibarra auzoan dagoen egoitzaren aurrean bildu dira 13:00etatik 16:00etara. Izan ere, kongregazioko zuzendaritza espazioa bisitatzen ari da asteburu honetan, eta aukera hori baliatzen ari dira beharginak euren aldarriak zabaltzeko.
Ondoren, 16:00etan, auto karabana egin dute herriguneraino. Jende ugari batu da ekimenera. Besteak beste, Artiacheko langileen babesa jaso dute, lantegiaren aurretik pasa direnean.
Bihar, egitasmo bera
Bihar (igandea) mobilizazio bera errepikatuko dute egoitzako langileek, eta ez dute baztertzen greba deitzeko aukera, zuzendaritza elkarrizketarako prest ez dagoela argudiatuta.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.