Orozkorock jaialdiaren hurrengo edizioak 2020ko kartela hartuko du abiapuntu moduan, eta Viva Belgrado, Los Brazos eta Ezpalak taldeen emanaldiak gehitu ditu.
Orozkorock jaialdiak itzultzeko helburua jarri du 2022an. 2020ko edizioa bertan behera geratu ostean, eta 2021ean rock maratoia antolatu eta gero, jaialdiak sustatzen dituen kolektiboak ahalegin guztiak egingo ditu puntako taldeak erakartzeko.
Gauzak horrela, antolatzaileek iragarri dute jadanik zein taldek osatuko duten kartela. 2020an jo behar zutenei proposamen berriak gehitu dizkiete, eta Toundra, Sua, The Lizards, The Riff Truckers, Niña Coyote eta Chico Tornado, Eraso! eta Kurkumarekin batera talde berriak igoko dira oholtzara.
Horiek izango dira Viva Belgrado, Los Brazos eta Ezpalak. Momentuz, eta osasun egoera dela medio, Orozkorockek ez du informazio asko zehaztu, baina aurreratu dute emanaldiak Hegoaldeko aparkalekuan izango direla eta abenduaren 23an hasiko direla bonoak saltzen.
Antolakuntzak adierazi du "COVIDa dela medio, une oro ari gara balorazioak egiten eta ikusiko dugu zer nolako neurriak ezarri beharko ditugun data heltzen denean".
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
