Urteroko zita berreskuratu du Orozkok, COVID-19aren pandemiak eragindako geldialdiaren ostean. Santa Luzia azoka ospatu dute gaur, eta Zubiaur plaza inguruak tokiko ekoizle eta artisauez bete dira. Aurtengoan, ordea, ez dute feriako osagai nagusia izan ohi den Terreña arrazako behien txapelketa egin, COVID-19aren eraginagatik.
Ibarrako Madres Mercedarias egoitzako langileek zita probestu dute Zubiaur plazan mobilizazioa burutzeko, lan hitzarmen duina, langileekiko errespetua eta prekarizazioa etetea aldarrikatzeko. Azaroaren 17an egin zuten lehen protesta ekimena eta geroztik beste hainbeste mobilizazio egin dituzte.
43 langile ditu Madres Mercedarias egoitzak, eta aniztasun funtzionala duten 80 pertsona baino gehiagori ematen die zerbitzua. LABeko bi kidek eta ESKko batek osatzen dute langileen ordezkaritza.
Argazkiak: Allende Solaun
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide